Transports maritimes : le STC lève le blocus dans les ports d'Ajaccio et Bastia
(A redazzioni d'Alta Frequenza) - A situazioni s'hè arrigulata in u settori di i trasporti marittimi. Mentri chì u STC di i marinari di l'anziana SNCM bluccava dipoi ghjovi u Pascal Paoli in Bastia è u Jean Nicoli in u portu d'Aiacciu è avia impiditu in mità di ghjurnata u sbarcamentu di u Corsica Linea Dui, un accordu hè statu trovu trà Corsica Linea è a Cullittività tarrituriali di Corsica. In una lettara, u presidenti di Corsica Linea hà cunfirmatu l'accordu signatu cù a CTC cuncirnendu a criazioni di una cumpagnia regiunali publica è privata. Una suddisfazioni di sicuru pà u presidenti di l'Uffiziu di i Trasporti à l'alba di tappi novi impurtanti. Ghjuvan Filici Acquaviva aspetta dinò par asempiu, com'è parechji altri, a dicisioni di u tribunali di cummerciu di Marseghja chì devi dà a so dicisioni nant'à u prughjettu di fusioni trà a MCM di Patrick Rocca è a Corsica Linea di François Padrona.
Steti à senta à Ghjuvan Filici Acquaviva, u presidenti di l'Uffiziu di i Trasporti.
