Transports maritimes: Marie-Antoinette Santoni Brunelli se positionne une nouvelle fois
(A redazzioni d'Alta Frequenza) - Ùn ci sarà micca novi dilegatarii di u serviziu publicu pà i trasporti marittimi nanzi à a fin di l'istati. Eccu ciò chì si ritinarà di a riunioni, a settimana scorsa à l'Assemblea di Corsica. A suluzioni annunziata pà u principiu di lugliu, eppo pà a fin di lugliu s'hè alluntanata, è annunzià oghji una nova data pari essa propiu difficiuli. L'Assemblea di Corsica chì studiava l'avisu di a Camara Righjunali di i Conti nant'à a situazioni finanziaria di l'uffiziu di i trasporti hè partuta dunqua torna nant'à un dibattitu novu nant'à i trasporti marittimi di l'isula, ma ci voli bè à dì, pà difenda la, chì i dui sughjetti sò liati di manera stretta. Riazzioni assai riservata pà usservatori più cà attenti à l'evuluzioni di a situazioni, quilla di i direzzioni di i cumpagnii marittimi chì ùn ani micca vulsutu dà u so parè è quilla di a CGT di i marinari SNCM. À u nivellu puliticu, a diritta hè stata assenti di modu tutali, torna una volta inde ssu dibattitu. Marie Antoinette Santoni Brunelli hè dipoi un pezzu a più putenti ind'a so squadra nant'à ssu cartulari; è ùn s'hè micca scurdata torna una volta di dà a so pusizioni.
Ecoutez-la.
Sur le même sujet
