Transports maritimes: réponse sans détours de Paul Giacobbi aux récentes revendications de la SNCM
(A redazzioni d'Alta Frequenza) - Torna un avenimentu ind'u cartulari di i trasporti marittimi in Corsica. Vennari scorsu, a SNCM, ind'una situazioni finanziaria assai pessima, hà fattu sapè chì a Cullettività Tarrituriali di Corsica li devi oghji parechji millioni d'auri. A cumpagnia s'hè ghjirata pocu fà ver di u tribunali di cumerciu di Marseghja pà principià una prucedura pà pudè riguarà soldi, più di 60 millioni d'auri sicondu a direzzioni. Hà uttenutu d'altrondi, d'appressu à u presidenti di u direttoriu Marc Dufour, a designazioni di un cunciliatori in ghjustizia. Un articulu stampatu nanzi à a dumenicata ind'u ghjurnali Le Monde, mittendu appena u focu, ammintava 50 millioni d'auri chì a CTC duvaria à a cumpagnia marittima. U presidenti di l'Uffiziu di i Trasporti di a Corsica, Paul Marie Bartoli, hà riagitu subbitu, com'è u presidenti di u Cunsighju Esecutivu, Paul Giacobbi. D'appressu à ellu, ssi rivindicazioni tenini di u "deliriu", dicendu chì ùn apparteni micca à a CTC d'apra i so casci pà cumpensà "a gattiva gistioni di a cumpagnia". Dichjarazioni "fora di u dirittu è di a raghjoni", à parè di Paul Giacobbi.
Steti à senta à Paul Giacobbi.
Sur le même sujet
