Transports maritimes : vent de tempête sur l'hémicycle territorial
(A redazzioni d'Alta Frequenza) - Dui raporti annant'à a dilegazioni di serviziu publicu marittimu sò stati aduttati cù difficultà arisera (ghjovi) à l'Assemblea di Corsica. U principiu di una DSP pà l'ottu anni chì venini hè statu validatu, ma dinò u fattu di cuntinuà à pagà l'aiuti à a SNCM. Inveci, una deliberazioni annant'à a criazioni di una Sucità d'Ecunumia Mista d'investimentu o di sfruttera in u quadru di una cumpagnia marittima regiunali hè stata ricusata. I naziunalisti di Femu a Corsica è di Corsica Libera ani vutatu contru, stimendu ch'ellu ùn si trattaria micca di una vera cumpagnia marittima assicurendu à a Corsica una vera maestria di i so trasporti. I cumunisti dinò ani vutatu contru, mentri chì a diritta ùn hà micca vulsutu participà. Analisi è riazzioni in i nostri nutiziali chì venini.
