Travail dominical : qu'en est-il en Corse ?
(A redazzioni d'Alta Frequenza) - A prublematica di u travaghju a dumenica cuntinueghja à fà parlà d'ella ! In fatti, un raportu datu ssu luni à u guvernu pruponi un allarghera di i dumenichi autorizati da u merri (passendu da cinqui à dodeci à l'annu) è una legi pà riveda i zoni autorizati à apra, prupunendu dinò à tempu di vultà nant'à a derugazioni permanenti accurdata à u settori di i magazeni di mobuli. Com'è a maiò parti di i furmazioni sindicali, a CGT hè contr'à l'allarghera di ssu dispusitivu d'apartura di i magazeni a dumenica, parlendu par asempiu di a necessità di metta piuttostu in avanti duranti ssu ghjornu di riposu a vita di famighja. À chì ni semi esattamenti in Corsica annant'à ssu sughjettu quì ?
Steti à senta à Jean Michel Biondi, pà l'Unioni Dipartimintali CGT di Corsica Suttana.
Sur le même sujet
