Tri sélectif : la CAPA et le CCAS d'Ajaccio s'engagent auprès des personnes âgées
(A redazzioni d'Alta Frequenza) - A Cumunità d'Agglumerazioni di u Paesi Aiaccinu è u Centru Cumunali d'Azzioni Suciali d'Aiacciu ani firmatu issu marcuri una cunvenzioni pà a missa in piazza di un serviziu di racolta da porta à porta di i rumenzuli chì poni essa riutilizati ind'è i parsoni anziani. Un serviziu chì adunisci a leia suciali è a priservazioni di l'ambienti chì hè una nuvità in Corsica. Una fasa di sperimentazioni nant'à sei mesi hè privista inde dui settori geugraffichi aiaccini, u Parc Berthault è u quartieru Canni è Salini, raprisintativi di una tindenza : quilla di una pupulazioni cù una media d'età più alta di pettu à u nivellu naziunali, com'è l'insemi di a cità Imperiali. A CAPA, cù parsunali chì sarani furmati pà rializà iss'intrapresa quì, hà dicisu malgradu tuttu d'appughjà si pà a racolta nant'à a struttura di u CCAS, chì assicureghja frà altru u trasportu di ripasti ind'è i parsoni anziani di più di 65 anni. Un impegnu forti, à volta à u nivellu ambientali cà suciali, com'è a ci dici Pascal Miniconi, vici presidenti di a CAPA.
Ecoutez-le.
Sur le même sujet
