Tri sélectif: la CAPA met en place de nouveaux points d'apport volontaire
(A redazzioni d'Alta Frequenza) - Soyez sélectif, triez ! Eccu u slogan utilizatu da a Cumunità d'Agglumerazioni di u Paesi Aiaccinu, chì hà prisintatu stamani (marti) i so novi "points d'apport volontaire", chjamati dinò i PAV. Arnesi novi è new look stallati à partasi d'oghji inde i quartieri di u Vaziu, d'Asprettu è di i Sanguinari, è chì sarani prisenti da quì à pocu nant'à tuttu u tarritoriu, ancu inde u rurali. Quissi quì rimpiazzani i borni dighjà prisenti dipoi parechji anni, pà racoglia a carta, u vetru è i scatuli in plasticu. Un ciculu d'animazioni di a scelta selettiva di i rumenzuli hè urganizatu dinò issa settimana frà altru nant'à a piazza Miot, cù a pussibilità di participà à attività ludichi è educativi pà i chjuchi è i maiò. U scopu di l'insemi di u dispusitivu, chì hè evidenti ma chì ci voli quantunqua à rammintà : fà crescia i sciffri dighjà boni inghjiru à a racolta di i rumenzuli è di a so scelta, un inghjocu impurtantissimu pà l'ambienti ma micca solu.
Ecoutez Etienne Ferrandi, pour la CAPA.
Sur le même sujet
