Tribunal de Commerce d'Ajaccio : Paul Scaglia passe le relais
(A redazzioni d'Alta Frequenza) - Riintrata sulenna di u Tribunali di Cummerciu d'Aiacciu ssu marcuri da mani cù un mumentu impurtanti : u trasferimentu di puteri trà l'anzianu presidenti, Paul Scaglia, chì hè firmatu duranti 8 anni à ssu postu quì, è Frédéric Benetti. Una riintrata sulenna chì com'è sempri hà parmissu di fà un puntu nant'à l'annata scorsa, è chì, com'è d'abitudina, hà vistu attività di u tribunali di cummerciu micca regulari. In fatti, ancu s'ellu si pò veda calchì principiu di migliurazioni ecunomica, s'hè custatatu torna pà l'annata 2016 una certa mancanza di stabilità ecunomica. Quissa quì s'arremba di sicuru à u particularisimu isulanu, cù à mezu à tant'altri affari a crisa di u trasportu, quilla di l'urbanisimu è a cullata di u disimpiegu. À u cuntrariu di ciò chì si pudaria pinsà, è Paul Scaglia hà incalcatu nant'à ss'affari quì, i tribunali di cummerci ùn sò micca fussai d'intrapresi. Intarvenini nurmalamenti, prima chì i difficultà accadessini, da fà chì quissi quì ùn inghjinnessini micca situazioni persi pà sempri. L'anzianu presidenti hà insistutu assai nant'à u latu umanu ch'ella devi avè a ghjustizia cummirciali. À ssu nivellu quì, ci sò malgradu tuttu inchietudini, d'appressu à ellu.
Steti à senta à Paul Scaglia.
Sur le même sujet
