Tribunal des Prud'hommes d'Ajaccio: la crise est là
(A redazzioni d'Alta Frequenza) - U Tribunali di i Prud'hommes d'Aiacciu facia arimani (marcuri) a so riintrata, com'è u Tribunali di Cumerciu. È ghjustu appuntu, u presidenti di iss'ultimu, Paul Scaglia, avia fattu un bilanciu piuttostu pusitivu di l'annu scorsu, cù un 2012 sottu à un segnu appena ottimistu. L'affari hè tuttu altru pà l'anzianu presidenti di u Tribunali di i Prud'hommes, Gilles Trovato. In fatti, d'apressu à ellu, a crisi hè stata bè prisenti in u 2011, lachendu spuntà mesi quant'è difficiuli. Numarosi prublemi à scali diversi fendu firmà parechji intrapresi inde issa crisi. Prublemi chì si facini senta frà altru ind'u settori di u BTP, ch'ella sia ind'u publicu è ind'u privatu ; un settori bè cunnisciutu da Gilles Trovato.
Écoutez le
Sur le même sujet
