Troisième tranche du PEI : ce qu'en pense Paul-Félix Benedetti
(A redazzioni d'Alta Frequenza) - L'Assemblea di Corsica studieghja dipoi u principiu di u dopu meziornu (ghjovi) nant'à a cunvenzioni d'appiecazioni nant'à a terza fasa di u PEI, u Prugrammu Eccezziunali d'Investimentu, pà u periudu 2014-2016. Omu s'arricorda chì duranti a so ghjunta in Corsica, Manuel Valls, u ministru di l'Internu avia vulsutu rassicurà l'eletti nant'à issu sughjettu, dichjarendu frà altru chì iss'ultimu saria in cunfurmità cù i bisogni. À l'ora duva si parla di restrizzioni di i dutazioni di u Statu à i cullettività lucali, issu ducumentu hè assai di primura frà altru in materia d'acqua, d'investimentu, di sviluppu urbanu è d'infrastrutturi stradali. 535 millioni d'auri facini parti di issa cunvenzioni. Unu di l'inghjochi di u dibattitu si trova ghjustu appuntu ind'u fattu di difiniscia un foghju di strada pà issa nova cunvenzioni. Pà Paulu Filici Benedetti, tuttu què hè solu un artifiziu. L'elettu Rinnovu stima, d'altrondi, chì u contu ùn ci hè micca. Trà a sfarenza di u costu di a custruzzioni è l'evoluzioni di u corsu di l'auru dipoi u 2002, l'affari hè cambiatu. Oghji a Corsica t'hà bisogni novi, è aspetta affari novi, è u PEI ùn pò più risponda à què. È quissu quì t'hà solu oramai u nomi di prugrammu eccezziunali sicondu Paulu Filici Benedetti, chì ci vedi piuttostu un bughjettu altru, sicondu di a CTC.
Explications de Paul-Félix Benedetti.
Sur le même sujet
