Troisième tranche du PEI : la position de Michel Castellani
(A redazzioni d'Alta Frequenza) - L'Assemblea di Corsica, n'emi dighjà parlatu, hà aduttatu a settimana scorsa u raportu nant'à a cunvenzioni d'appiecazioni di a terza parti di u PEI, u Pianu Eccezziunali d'Investimentu, pà u periudu 2014-2016. Quissu quì hè statu validatu da a manca è a diritta, mentri chì i naziunalisti ùn si sò micca prununziati. Un ducumentu assai impurtanti frà altru in materia d'investimentu, d'acqua, di sviluppu urbanu o ancu d'infrastrutturi stradali, cù una terza fasa à 535 millioni d'auri rammintemu la. È pà issi tempi di i più difficiuli à u nivellu ecunomicu, ùn ci vularà micca à sbaghjà si nant'à l'investimenti à rializà à parè di Michel Castellani, cunsighjeru tarrituriali Femu a Corsica. Investimenti o dutazioni chì duvarani essa liati par ellu, ind'una perspettiva di sviluppu glubali di l'isula, à i priurità chì sarani difiniti à l'avvena da u PADDUC.
Ecoutez Michel Castellani.
Sur le même sujet
