Trop d'aides perçu par la France et propos de C.Barbier : les agriculteurs corses réagissent
(A redazzioni d'Alta Frequenza) - A storia d'amori passiunali trà u crunista puliticu Christophe Barbier è a Corsica cuntinueghja dunqua. Avvezzu à l'esagerazioni è attacchi numarosi contr'à a nostra isula, s'hè fattu rimarcà torna una volta dimustrendu u so amori à a so isuia prifirita cuncirnendu a pulitica agricula cumuna duranti una cronaca ssu marcuri annant'à I>TELE. In fatti, l'Auropa hà cundannatu a Francia, ssu marti, à renda un milliardu d'aiuti ind'u quadru di a pulitica agricula cumuna chì currispondi à un troppu chì hè statu toccu trà u 2008 è u 2012. È di fattu, Christophe Barbier dà una carta rossa à u ministru di l'agricultura Stéphane Le Foll, micca pà a so rispunsabiità postu ch'ellu ùn era micca à u puteri à ssu mumentu quì, ma pà i so ghjustificazioni. Si duvaria dì piuttostu una ghjustificazioni in particulari, quilla nant'à l'agricultori di Corsica Suprana. Christophe Barbier ùn sparti micca l'analisi di u ministru, chì attribuisci u troppu chì hè statu toccu da agricultori di u dipartimentu à un sbagliu di misura di i pezzi di tarri cù u satellitu. U crunista à a sciarpa rossa irunizeghja dicendu "ùn sò micca l'agricultori chì ani vulsutu ingannà è pighjà soldi à l'unioni aurupea, innò innò". Ma quissu quì, è ss'affari dimostra malgradu tuttu una mancanza di prufiziunalisimu da a so parti, hà prisintatu accusazioni chì s'arrembani à un errori di media naziunali di riputazioni seria, ma chì si sò sbagliati annant'à i sciffri. Si tratta bè di 700 000 auri è micca di 700 millioni d'auri tocchi da a Corsica in ssu troppu d'aiuti aurupei ch'ella devi rimbursà a Francia. A riazzioni di l'agricultori corsi di sicuru ùn s'hè micca fatta aspittà.
Steti à senta à Ghjaseppu Colombani, u presidenti di a Camara righjunali d'Agricultura.
