Trop de non-génériques prescrits : une centaine de médecins ont manifesté à la CPAM de Bastia
(A redazzioni d'Alta Frequenza) - Ssu marcuri, mentri chì unu di i soi passava davanti una cumissioni d'asamini di a CPAM di Corsica Suprana par avè vulsutu dà, d'appressu à ella, troppu medicini micca generichi, cù, in più pà pudè aiutà a cumissioni, un medicu spertu di a CPAM di Provence Alpes Côte d'Azur, più di centu medichi di Corsica sana ani fattu cunnoscia a so scuntintezza. Quissi quì, chì ani invaditu u hall di a CPAM di Corsica Suprana, ani scuntratu u direttori di a CPAM è sò cullati, pà una vintina, pà fà sapè direttamenti à a cumissioni chì quissa quì trattava u cartulari cun esagerazioni, essendusi scurdata, par asempiu, di a tappa di a cunciliazioni. Medichi chì vuliani fà compia ssa riunioni di a cumissioni, ma chì ùn l'ani micca fattu pà pudè rispittà i vulintà di u medicu inchietatu da a cumissioni chì vulia prisintà tutti i so argumenti annant'à ognunu di i 110 cartulari chì u cuncernani. È i medichi sò stati assai chjari annant'à un puntu, vali à dì chì ùn s'accittarà mai più maneri di fà simuli.
Steti à senta à François Agostini, duttori è presidenti di u sindicatu di i medichi liberali di Corsica Suprana.
Sur le même sujet
