UDAF 2A : le "retrait" des personnels
(A redazzioni d'Alta Frequenza) - L'UDAF di Corsica Suttana è a so quindecina di salariati hà fattu valè oghji u so "dirittu di ritiru". Ssu dispusitivu gistitu da a legi parmetti à un impiegatu d'ùn andà micca à u so travaghju pà pudè tena a so integrità fisica è murali, ma dinò a so securità. Ùn si tratta micca dunqua di una greva pà daveru ma faci bè spuntà una situazioni gravi nentru à l'associu. Pari chì l'ambienti sighi propiu particulari inde l'Unioni di l'associ famigliali di Corsica Suttana. I parsunali dinunziani una desurganisazioni generali di i servizi, un cuntestu chì và di peghju in peghju è un effettivu in suffrenza.
Steti à senta à Laurence Benedetti, dilegata STC inde l'UDAF.
Sur le même sujet
