Un 21ème anniversaire du drame de Furiani très amer pour les victimes et leurs familles
(A redazzioni d'Alta Frequenza) - Issa dumenica, parechji centinai di parsoni si sò accolti inghjiru à a stela di u ricordu di a catastrofa di Furiani vint'unu anni dopu à quissa quì. Pà i vittimi è i so famighji, u tempu passa ma i feriti sò sempri quì cusì forti. Com'è privistu, mentri chì in Corsica si celebrava issu tristu anniversariu, stadii, in cuntinenti, ani incuraghjitu i so squadri, a catastrofa a più gravi di u ballò francesi essendu ridutta à una minuta di silenziu dicisa à l'ultima siconda da Frédéric Thiriez, presidenti di a Lega di Ballò Prufiziunali uppostu cù forza à a sacralisazioni di a data di u 5 di maghju inde u ballò francesi. Ma u cullettivu hà spressu una collera freta dopu à i parolli ch'elli ani intesu nanzi à a partita Marseghja - Bastia di sabbatu di Avi Assouly, diputatu di i Bouches du Rhône. Quissu quì, ghjurnalistu feritu di manera gravi duranti a catastrofa, hà dittu à i membri di u cullettivu chì u so prughjettu di legi à prò di a sacralisazioni ùn facia micca l'unanimità ind'i so culleghi diputati di u Partitu Sucialistu. Hà dunqua prupostu à u cullettivu di mudificà l'articulu chì poni un prublema, quillu nant'à l'assenza di partiti u 5 di maghju, à prò di una minuta di silenziu ind'i stadii à issa data quì, un affari chì u cullettivu ùn pò mancu appena accittà.
On écoute Bastien Dumas, fils de Jean-Baptiste Dumas, journaliste décédé des suites de la catastrophe.
Sur le même sujet
