Un arbitre de boxe décide de "boycotter la Corse"
(A redazzioni d'Alta Frequenza) - Affari piuttostu micca cumunu chì pò parè derisoriu è senza gravità, di pettu à a situazioni attuali inde l'isula, ma chì merita quantunqua d'essa sottulineatu. Un affari di discriminazioni ind'u mondu di u sport, è più particularmenti di a boxe postu chì un arbitru di u cumitatu righjunali, fendu parti di u Ring Avignonnais, hà dicisu di fà un boycott di i riunioni in Corsica. M. Christian Pascalin hà diffusatu in issu sensu un mail à i so culleghi di u Cumitatu Provence Alpes Côte d'Azur pà fà li cunnoscia iss'azzioni quì, invitendu li dinò à fà listessa. Un cumpurtamentu cù ghjustificazioni più cà scuri, nisun avenimentu accudutu prima è pussibuli d'inghjinnà parolli simuli essendu statu censatu. Una volta l'affari cunnisciutu da u so club, l'arbitru hè statu sclusu subbitu, è suspesu cinqui anni cù frà altru trè di modu attimpatu, mentri chì una lagnanza hà da essa posta da u cantu di u ministeru publicu d'Aiacciu. U Cumitatu Righjunali di Boxe, prisenti issu ghjovi ind'a cità Imperiali, hà vulsutu arricà u so sustegnu à i clubs isulani, è dunqua à u Boxing Club Ajaccien, raprisintatu da u so presidenti Paul Leonetti. Iss'ultimu hà vulsutu dì torna à mezu à tanti altri affari i boni cundizioni quandu l'arbitri sò ricivuti.
Écoutez-le.
Sur le même sujet
