Un candidat nationaliste à l'élection sénatoriale, pourquoi ?
(A redazzioni d'Alta Frequenza) - Ùn ci sarà dunqua nisun supresa vera pà l'alizzioni senaturiali di u 28 di sittembri. In Corsica Suprana, sei candidati si sò dichjarati, o certi dipoi un pezzu, o altri par quali era solu un picculu sicretu. Pà pighjà a seguita di François Vendasi, ritruvemi trè candidati à manca, Michel Stefani pà u Fronti di Manca, Joseph Castelli sustinutu da u PRG di Corsica Suprana è Petru Ghionga libaru. A diritta sarà unita pà contu soiu cù Anne Marie Natali, mentri chì a famighja naziunalista muderata sarà raprisintata da Ghjuvan Filici Acquaviva pà Femu a Corsica. Infini, u Front National t'avarà com'è candidatu Tony Cardi. In Corsica Suttana, quattru candidati ani prisintatu i so candidaturi in prifittura pà l'alizzioni senaturiali di u 28 di sittembri. Quattru candidati sarani dunqua in corsa pà pighjà a successioni di Nicolas Alfonsi. Ritruvemi in fatti pà a diritta, è senza surpresa, u presidenti di u Cunsighju Generali di Corsica Suttana Jean Jacques Panunzi. U Partitu Cumunistu è u Fronti di Manca t'avarani dinò un raprisintanti, cù u cunsighjeru municipali di Sartè Nicolas Alaris. A secretaria righjunali d'Europe Ecologie les Verts, Julia Sanguinetti, purtarà i culori di u so partitu ma dinò quilli di u Partitu Sucialistu è di Corse Social Démocrate. Infini, u Front National sarà prisenti pà ssi senaturiali, purtatu in u dipartimentu da Michel Leca. A famighja naziunalista hà dunqua dicisu d'ingaghjà inde ss'alizzioni assai particulari un candidatu, parchì? Hè ciò ch'è no avemi dumandatu à Ghjuvan Cristofanu Angelini, pà u gruppu Femu a Corsica di l'assemblea di Corsica.
Steti à senta à Ghjuvan Cristofanu Angelini.
