Un dispositif d'aide aux primo-accédants voté par la ville de Bastia
(A redazzioni d'Alta Frequenza) - U cunsighju municipali di marti in Bastia hà fattu nascia parechji tinsioni, u cuntestu di i tarrituriali c’hè pà calcosa, trà a maghjurità, u gruppu MCD di François Tatti, è i gruppi di Jean Zuccarelli è Francis Riolacci. Una seenza chì hà ancu datu certi volti asempii di pulitichella schietta, una mudificazioni di u tavulonu di l’impieghi bughjettarii inghjinnendu un mumentu caldu trà a maghjurità è François Fatti, ss’ultimu accusendu quissa quì di una mancanza di trasparenza pà ciò chì tocca à l’impieghi rializati. S’è quandu l’alizzioni sarani passati, ssu gennaru d’episodii intarissarani podassi menu u simplici bastiacciu, u cartulari maiò di ssu cunsighju municipali pudaria fà svighjà l’intaressu di parechji ghjovani chì vulariani duvintà pruprietarii. In fatti, s’è u gruppu MCD hà vutatu contru è i gruppi PRG è cumunisti ùn ani micca datu u so parè, una misura pà renda più faciuli l’accessu à a pruprietà di i più ghjovani hè stata vutata da u restu di u cunsighju municipali. Ssa misura ùn custarà mancu un auru à a merria di Bastia, chì hà da prupona à prumutori di riservà fin’è 25% di certi prugrammi immubiliari à i più ghjovani chì t’ani à u più 3 000 auri à u mesi, postu chì prezzi prifarinziali li sarani prupostu, in scambiu di vantaghji pà i prumutori.
Steti à senta à Michel Castellani, aghjuntu à u merri di Bastia in carica di i cartulari d’urbanisimu.
Sur le même sujet
