Un homme blessé par arme à feu en Corse-du-Sud
(A redazzioni d'Alta Frequenza) - Un omu hè statu feritu da balli arisera (vennari) in Corsica Suttana. I fatti sò accaduti versu 10 ori è mezu, ind'u paesi d'Auccià. Jacques Ambrosi hè statu toccu mentri ch'ellu era in casa à a so cumpagna. Hè statu traspurtatu ver di l'uspidali d'Aiacciu, com'è a so cumpagna, assai tocca di modu piscologicu. Nant'à i circustanzi di i fatti, pochi elementi par avà. A vittima hè stata tocca da una sparata da fora, da calchissia chì pruvava à ghjentra in casa soia, o ci hè statu una baruffa trà i dui parsoni chì si cunnisciani? Niscuna via hè scelta di modu unicu da l'inchiestadori, chì ani missu in ballu un perimetru di securità ghjustu dopu à i fatti. L'audizioni di Jacques Ambrosi, quandu chì a so saluta a parmittarà, duvaria parmetta di sapè ni di più.
Sur le même sujet
