Un homme blessé par balle dans le Nebbiu
(A redazzioni d'Alta Frequenza) - Un omu hè statu feritu da una balla stasera (marti) versu 8 ori, in Corsica Suprana, nant'à a cumuna d'Oletta. A vittima, di una cinquantina d'anni, hè stata tocca in capu. Sicondu i servizii di a prifittura di Corsica, saria una disputa in un anzianu coppiu chì saria andata mali, par raghjoni sempri scunnisciuti. L'ecchisi moglia di l'omu hè suspittata d'avè tiratu nant'à quissu quì. L'omu hè statu traspurtatu ind'un statu gravi à l'uspidali di Bastia. A parsona suspittata d'avè tiratu nant'à l'omu hè intesa in issu mumentu da i gendarmi.
Sur le même sujet
