Un jeune homme de 18 ans perd la vie dans un accident de la route à Monaccia d'Aullène
(A redazzioni d'Alta Frequenza) - C'hè statu un accidenti murtali ssu sabbatu versu 4 ori di mani à a surtita di u paesi di Monaccia d'Auddè, in Corsica Suttana. Una vittura, sola, hè isciuta da a strada pà raghjoni scunnisciuti, prima di finiscia in un campu è di ritruvassi annant'à u tettu. U cunduttori, un ghjuvanottu di 18 anni, chì stava pà ssi lochi vicini, hè mortu par disgrazia. Era in arrestu cardiurispiratoriu quand'elli sò ghjunti i succorsi ; malgradu i so sforzi, ùn sò micca riisciuti à salvallu. A vittima hè stata mandata fora di a so vittura è ritrova à più di 20 metri. Un'imbulanza, u SAMU è i spignifochi sò stati mubilizati pà l'intarvinzioni.
Sur le même sujet
