Un jeune homme poignardé à Ajaccio
(A redazzioni d'Alta Frequenza) - Un ghjuvanottu di 18 anni hè statu feritu da una cultillata arisera (sabbatu) versu setti ori è quartu in Aiacciu, davanti à u cumplessu spurtivu Pascal Rossini. In circustanzi chì ùn sò ancu cunnisciuti, a vittima hè stata tocca in pettu ; ferita di manera gravi, hè stata traspurtata cuscenti à l'uspidali di a Miséricorde, appena dopu à a chjama lampata à i succorsi. A so vita ùn saria micca in periculu. L'autori di i fatti hè sempri ricircatu di modu attivu. A Direzzioni Dipartimintali di a Securità Publica hè in carica di l'inchiesta.
