Un programme de redynamisation du commerce et de l'artisanat pour Bastia-nord
(A redazzioni d'Alta Frequenza) - Issu ghjovi, u presidenti di l'ADEC è cunsighjeru municipali di a cità di Bastia, Jean Zuccarelli, hà prisintatu cù Paul Trojani, presidenti di a camara di cumerciu è d'industria di Corsica Suprana, è Antoine Piacentini, presidenti di a camara di i mistieri di Corsica Suprana, u pianu dittu di "redynamisation" di u cumerciu è di l'artisgianatu in Bastia nordu, vali à dì u centru cità. Issu pianu, chì duvarà essa aduttatu duranti u cunsighju municipali di issu vennari, hè a cuncretisazioni di parechji anni di travaghju. S'è l'affari fussi cusì, a cità pudaria avè appena menu di 4,5 millioni d'auri di bughjettu di maestria d'opara, a mità ghjunghjendu da l'ADEC d'altrondi. Issi soldi finanziarani parechji azzioni, com'è par asempiu rializà travaghji inde i cumerci da fà ch'elli fussini in regula, u rinnovu di u davanti di issi cumerci, l'accessu unicu è di modu difinitivu di certi carrughji pà i parsoni à pedi o a missa in piazza di i parkings publichi di gratisi fin'è 30 minuti di staziunamentu, dispusitivu chì cumplittarà quillu di l'arresti minuta chì sarà allargatu anch'ellu. Eppo, mentri chì u cartulari di l'insecurità faci dibattitu in Bastia, issu pianu privedi di finanzià fin'è 60% a stallazioni di videò survighjenza privata inde i cumerci.
On écoute Jean Zuccarelli.
