Un seul élu pour Aiacciu Cità Nova à Ajaccio
(A redazzioni d'Alta Frequenza) - Gattiva sirata pà a lista Aiacciu Cità Nova. Si pinsava chì u risultatu di u primu ghjiru saria appena menu impurtanti è ch'ellu duvia soffra par via di a bipularisazioni di u dibattitu inghjiru à i candidaturi di Simon Renucci è Laurent Marcangeli. Ma ùn s'aspittava micca omu à un rinculu cusì impurtanti. Cù 6,86% di i voti uttenuti duranti ssu sicondu ghjiru, i naziunalisti entrini, di sicuru, ind'u cunsighju municipali, ma solu cù un elettu chì sarà inde l'uppusizioni. Rammintemi chì marti scorsu, Simon Renucci prupunia una fusioni di i listi cù a prisenza di ottu elettu naziunalisti, frà i quali trè aghjunti è a vici presidenza di a CAPA. Un accordu chì ùn era micca intarvinutu, par via di una mancanza di tempu.
Sur le même sujet
