Un très grand nombre des services de la Banque Postale en Corse délocalisés sur le continent ?
(A redazzioni d'Alta Frequenza) - A CGT, u STC è a CFDT di u centru finanziariu di a Posta in Aiacciu ani principiatu ssu marti da mani una greva di 24 ori. Un muvimentu naziunali, suvitatu in a Cità imperiali da più di a mità di l'impiegati. I trè sindicati sò upposti à u prughjettu "Excello" ch'ella voli metta in ballu à u nivellu naziunali a direzzioni di a Banca Pustali. D'appressu à elli, quissu quì, in un scopu di mutualisazioni, privedi a suppressioni di missioni numarosi, mentri chì l'impieghi pudariani essa dinò minacciati in u futuru. Di fattu in Aiacciu, parechji servizi bancarii, l'uparazioni ghjuridichi, i successioni è i servizi pruduzzioni (trattamentu di i scecchi è di i lettari) sariani tutti trasferiti in cuntinenti. I raprisintanti sindicali temini dunqua a sparizioni di tutti i servizi di vicinanza pà l'usadori. Dopu un scontru cù u direttori ind'i lucali aiaccini, i grevisti dani 24 ori à a so ierarchia pà dalli risposti pusitivi, o tandu dumandariani un appuntamentu più altu, cù l'autorità parighjini di a Banca Pustali, è minacciarani di fà una greva più dura.
Steti à senta à Christophe Chrétien, pà i trè sindicati.
Sur le même sujet
