Une chaîne humaine ce samedi à Ajaccio pour défendre la langue corse
(A redazzioni d’Alta Frequenza) - Issu sabbatu, parechji azzioni simbolichi sarani urganizati inde sfarenti cità di Francia com’è Perpignan, Toulouse, Bayonne, Quimper, o ancu Strasbourg, da difenda i lingui minuritarii. Aiacciu hà raghjuntu a dimarchja, à l’iniziativa di u Cullettivu Parlemu Corsu, pà una catena umana, chì partarà da a prifettura di rughjoni, à partasi da un’ora è mezu. Gruppi pulitichi, com’è Corsica Libera o Femu a Corsica, ma dinò parechji associi com’è quillu di i Parenti Corsi, Bastia 1905, o l’Orsi Ribelli, pà micca cità li tutti, ani rispostu à prò di a chjama di u Cullettivu. Una catena chì Migheli Leccia, pà Parlemu Corsu, voli fistiva, com’è una lingua corsa chì voli campà è spannà si inde tutti i parti di a sucità isulana, cù un sustegnu forti di a pupulazioni. Un’azzioni pà lampà una chjama à l’eletti lucali è candidati à a prisidinziali, da fà crescia i sforzi à prò di a lingua corsa, è soprattuttu rivindicà una mudificazioni custituziunali, pà sbuccà nant’à una co ufficialità vera Corsu-Francesi.
Les détails de cette manifestation avec Migheli Leccia.
Sur le même sujet
