Une convention a été signée entre Pôle Emploi et le conseil général de Haute-Corse
(A redazzioni d'Alta Frequenza) - Ssu luni, Pierre Péladan, u direttori righjunali di Pôle Emploi, è Marie Hélène Djivas, direttrici generali di i servizi di u cunsighju generali di Corsica Suprana ani firmatu una cunvenzioni pà trè anni cù u scopu di lià i forzi di i so servizi à prò di i parsoni dumandendu un impiegu è chì cunnoscini difficultà suciali. In fatti, si custata chì di più in più ghjenti in ssu casu quì ùn si poni più cunsacrà com'ellu ci voli à a ricerca di un impiegu postu ch'elli sò tocchi da difficultà suciali impurtanti, ch'ellu si trattessi di prublemi di riinserimentu o, più gravi, d'alloghju è di difficultà ad avè una vita degna ogni ghjornu chì passa. Hè par quissa chì pà certi parsoni in cerca di un impiegu, u cunsighju generali mittarà à dispusizioni i so cumpetenzi in ssu duminiu pà pudè risolva ssi prublemi à u meghju; pà contu soiu, Pôle Emploi prupunarà un accumpagnamentu più parsunalizatu.
Steti à senta à Pierre Péladan, u direttori righjunali di Pôle Emploi.
