Une étude pour évaluer les conséquences de la grève dans le maritime en Corse l'été dernier
(A redazzioni d'Alta Frequenza) - U cullettivu Dumane da Fà chì raprisenta una mansa d'urganisazioni di patroni, di cumircianti, d'artisgiani, d'intrapresi di a custruzzioni, di l'alimentazioni di ditagliu, i sindicati d'agricultori, i mistieri di l'industrii di l'alberghi, è a lista ùn hè micca sana, hà datu stamani (ghjovi) una cunfarenza di stampa. Tutti ss'attori di l'ecunumia isulana, grazia à un'aiutu sustenziali di a Cullettività Tarrituriali di Corsica, ani cumandatu un studiu annant'à a valutazioni di u preghjudiziu ecunomicu è finanziariu di l'intrapresi corsi liati à i discuntinuità di u serviziu marittimu di l'istati scorsu. A CGPME è i so sedeci branchi d'attività ma dinò l'UPA ani dumandatu à dui ecunumisti corsi di rializà ssu studiu. Si tratta grazia à quissu quì micca solu di difiniscia i cunsiquenzi pricisi di a greva annant'à l'intrapresi isulani, ma dinò di truvà principii di suluzioni chì pudariani parmetta, hè u scopu ricircatu, di sorta da ssa dinamica di u fiascu.
Steti à senta à Jean André Miniconi, pà u cullettivu Dumane da Fà.
Sur le même sujet
