Une modification de la Constitution basée sur une nouvelle évolution institutionnelle pour la Corse !
(A redazzioni d'Alta Frequenza) - À calchì ora di a visita in Corsica di Manuel Valls, u ministru di l’Internu, è dunqua u guvernu, sani à ciò ch’elli si devini aspittà pà ciò chì tocca à a voglia esatta di a Corsica. Una mudificazioni di a custituzioni arrimbata à una nova evuluzioni istituziunali ! Eccu ciò chì hè statu dibattutu vennari à l’assemblea di Corsica trà l’eletti di u populu è grandi spicialisti di u dirittu. Malgradu a morti tragica di Guy Carcassone, unu di i più grandi custituziunalisti cunnisciuti, a riunioni privista à l’Assemblea di Corsica hè stata mantinuta. Affari assai pusitivu rimarcatu, sò spicialisti d’urighjini corsa, Wanda Mastor è Julie Benetti, chì ani prisintatu à i nostri eletti u raportu appruntatu cù Guy Carcassone. U raportu hè chjaru : i cumpetenzi specifichi utilizati par avà in Corsica ùn viaghjani micca ; u statutu devi essa migliuratu dunqua. Da ghjunghja ci, ci sò dui scelti : 1. Femi evuluà appena i cumpetenzi chì asistini grazia à u mezu unicu di a legi, ciò chì mostra à lestra i so limiti parchì malgradu tuccarà sempri à u primu ministru di decida. 2. Demi cumpetenzi novi à l’Assemblea di Corsica grazia à una revisioni di a custituzioni. Issi novi cumpetenzi parmittariani d’arrigulà di manera veramenti specifica sughjetti com’è quillu di i diritti di successioni, quillu di u fundariu o ancu a quistioni linguistica cù a cuufficialità di a lingua corsa.
Écoutez Julie Benetti, professeur de droit public à l'université de Reims, qui a présenté ce rapport devant l'Assemblée de Corse.
Sur le même sujet
