Une rentrée scolaire placée sous le signe de la sécurité en Corse comme ailleurs
(A redazzioni d'Alta Frequenza) - Ultimi ghjorni di vacanzi pà i sculari di Corsica, pà quali sarà l'ora di a riintrata luni chì veni, mentri chì i prufissori farani a soia ssu vennari. Una riintrata sculari 2016 particulari, par via di a famosa è criticata riforma di u culleghju, ma dinò è soprattuttu di un aspettu ineditu, quillu di a securità. In fatti, com'è à u pianu naziunali, a prulungazioni di u statu d'urghjenza è u mantenimentu di u pianu Vigipirate à u nivellu "Vigilenza rinfurzata" ani ubligatu tutti i puteri publichi à mubilizassi in Corsica. I 254 scoli è i 47 stabilimenti di a nostra isula sò cuncirnati da trè categurii maiò di misuri presi in cuncertazioni. A prima categuria t'hà pà scopu di privena i risichi è d'appruntà i parsunali è l'elevi di i scoli è di i stabilimenti sculari, cù par asempiu a survighjenza di u circondu vicinu di i stabilimenti rinfurzata in cuurdinazioni cù i pulizzi municipali. A siconda devi rinfurzà a capacità di riazzioni di l'attori educativi è l'ultima tocca u rolu ditarminanti di i servizi accademichi in u signalamentu di sculari chì pudariani entra in un prucedimentu di radicalisazioni.
Steti à senta à Philippe Lacombe, u rettori d'accademia.
