Università di Corsica : la genèse de l'université de Pantaléon Alessandri
(Lisa d'Orazio et Alex Bertocchini) - N’avemi dighjà parlatu calchì ghjornu fà, parechji manifestazioni sò urganizati pà issi lochi di l’Università di Corsica, da celebrà i trenta anni di a riapartura di iss’edifiziu di a cuniscenza è di u sapè. Dibattiti, cunfarenzi, mostri è spettaculi, da fà risorghja a storia di iss’entità, è d’evenimenti diversi ad’avè la accumpagnata da u 1981. Un’adunita nant’à u sindicalisimu studientinu era d’altrondi urganizata issu ghjovi, in prisenza d’anziani attori di l’Università, da rammintà trè dicenii particularmenti ricchi. Un sindicalisimu studientinu, ci voli à dì la, chì hè statu di primura duranti assai tempu à l’Università da fà avanzà, è ancu aldilà di i soli intaressi stessi di i studienti, i rivindicazioni di tutta un’isula, di tuttu un populu. Pantaléon Alessandri, hè ricullatu ancu più luntanu ind’a genesi di l’Università di Corsica postu chì, ci ritruvemi inde l’anni 70 in Nizza ; sintimi di unu di i primi rispunsevuli di u FLNC.
Ecoutez Pantaléon Alessandri.
Sur le même sujet
