Université d'été de Régions et Peuples Solidaires : le vent du changement va-t-il s'intensifier ?
(A redazzioni d'Alta Frequenza) - A federazioni di i partiti pulitichi Régions et Peuples Solidaires urganizava in mità di sittimana scorsa a so famosa Università d’istati, com’è ogni annu à listessa epica, in Font Romeu, ind’i Pirenei, vicinu à a Catalogna spagnola, Catalogna induva ci sarani un’alizzioni impurtanti u 27 di sittembri, alizzioni regiunali prisintati com’è dicisivi in a perspettiva di l’indipendenza. François Alfonsi, anzianu diputatu aurupeu, membru di l’esecutivu di u PNC è presidenti di l’Allienza Libara Aurupea ci vedi un’uppurtunità storica pà u populu catalanu. Ancu s’ellu ùn si parla ancu di un affari simuli in Corsica di pettu à a Catalogna, o ancu di pettu à a Scozia à ssu nivellu, ssu ventu di u cambiamentu chì cumencia à suffià annant’à ssi regioni d’Auropa faci dì à l’autunumistu ch’ella vinarà l’ora dinò pà l’isula in a perspettiva di l’autunumia. L’alizzioni tarrituriali di dicembri sò, ghjustu appuntu, una prima tappa d’appressu à ellu ch’ellu ùn ci vularà micca à mancà.
Steti à senta à François Alfonsi.
Sur le même sujet
