Utilisation des fonds européens en Corse : la satisfaction d'Emmanuelle de Gentili
(A redazzioni d'Alta Frequenza) - U cumitatu di seguita di i fondi aurupei, n'emi dighjà parlatu à partasi d'arimani, s'hè adunitu duranti dui ghjorni in Corsica. Issa 9a riunioni di u cumitatu di seguita hà chjosu dunqua l'eserciziu 2007 / 2013 eppo hà finitu d'appruntà a futura prugrammazioni finanziaria pà u periudu 2014 / 2020. Una riunioni impurtanti parchì di a bona utilisazioni di issi fondi aurupei dipendini à maiò parti i prugrammi à vena; di modu chjaru, s'è issi finanziamenti sò stati utilizati pocu è micca, quilli à vena sarani più bassi. Ci voli à sapè chì pà u periudu chì a Corsica hà da schisà a famosa regula ditta di u "dégagement d'office", una regula chì faci riparta in Bruxelles tutti i fondi chì ùn sò ancu stati utilizati. Quist'annu torna iss'ultimu sarà schisatu solu s'è più di 220 000 auri di fatturi sarani ghjustificati nanzi à a fin di l'annu. A ridistribuzioni di i fondi aurupei! Hè grazia à a riurientazioni di i pulitichi com'è quilli in ballu à l'urighjini di u prugrammu chì omu hà riisciutu à uttena issu risultatu; ciò chì spieca a suddisfazioni d'Emmanuelle de Gentili, cunsighjera esecutiva incaricata di i quistioni aurupei.
Ecoutez-la.
Sur le même sujet
