Valls... prisonniers : la question
(A redazzioni d'Alta Frequenza) - Dichjarazioni scandalosi è micca rispunsevuli ! Eccu a riazzioni di l'Associu Sulidarità, dopu avè pighjatu cunniscenza di i parolli di u ministru di l'Internu Manuel Valls, nant'à a prublematica di l'avvicinamentu di i prighjuneri. Ind'un'intarvista accurdata à u ghjurnali spagnolu El Pais, dopu à l'arristazioni in Francia di dui militanti baschi d'ETA è a rivindicazioni in Paesi Bascu francesi di una cullettività tarrituriali specifica, una dumanda hè stata posta in fatti à iss'ultimu nant'à l'avvicinamentu di i prighjuneri. Ed eccu a risposta di Manuel Valls : "i ghjudici poni dicida di manera indipendenti s'elli l'ani da avvicinà o micca, ma devu dì ch'è no ùn la femi micca pà a Corsica, è ch'è n'avemi un'attitudina assai ferma nant'à què." Parolli chì ani fattu nascia subbitu subbitu a riazzioni di l'Associu Sulidarità, è di unu di i so raprisintanti, Dumè Tafani.
Écoutez-le.
