Venue de Frédéric Thiriez à Bastia : l'avis du collectif des victimes de la catastrophe de Furiani
(A redazzioni d'Alta Frequenza) - Oghji (luni), Frédéric Thiriez, u presidenti di a Lega di Ballò Prufiziunali, sarà in visita in Bastia duva ellu scuntrarà u prifettu di Corsica Suprana, eletti com'è Paul Giacobbi è Emile Zuccarelli, è i dirighjenti di u Sporting Club di Bastia è di a Lega Corsa di Ballò. Un spiazzamentu chì u cullettivu di i vittimi di a catastrofa di Furiani chì, senza surpresa, ùn hè micca statu "invitatu " da Frédéric Thiriez, cunsidareghja com'è assurdu. In fatti, u presidenti di a LFP sarà in Bastia ottu ghjorni dopu à u 21u anniversariu di a catastrofa di Furiani, è quist'annu com'è l'annu scorsu, a LFP hà mandatu nè fiori nè mancu una lettara à i vittimi è i so famighji, una minaccia di sanzioni essendu ancu pussibuli pà u Sporting Club di Bastia è l'Olympique de Marseille pà avè purtatu t shirts di sustegnu à u cullettivu duranti u scaldamentu di a so partita di sabbatu scorsu.
On écoute Didier Grassi pour le collectif.
