Vers la régionalisation de l'entretien et de l'amélioration du réseau routier insulaire
(A redazzioni d'Alta Frequenza) - A righjunalisazioni di l'intrattenu è di a mighjurazioni di a reta stradali isulana hè in traccia di divintà una rialità. L'ultimi cunvenzioni firmati pocu fà da l'Esecutivu di Corsica cù i dui dipartimenti, 60 millioni d'Auri par omu pà cinqui anni, ni sò a più bella mostra, parchì chì senza issi buffulati d'aria più cà impurtanti, i dipartimenti ùn pudariani micca riescia à andà fin'è a fini di u rinnovu è di a mighjurazioni di i stradi dipartimintali. S'è u dipartimentu di Corsica Suttana hè pussutu, dipoi anni è anni, rializà a maiò parti di a so pulitica stradali nant'à i so soldi propii, ùn hè più u casu oramai. Una calata di 8 à 10 millioni d'Auri d'aiuti di Statu ùn parmetti più di mantena u ritimu vulsutu è bisogna dunqua à uttena fondi di cumpensazioni. A cullettività di Corsica, rammintemi la, hà dicisu di riveda u so finanziamentu in materia stradali, lachendu da cantu a pulitica ditta di i grandi travaghji è accurdendu à i dui dipartimenti aiuti più impurtanti. È l'affari hè ancu di più pertinenti postu chì oghji certi stradi dipartimintali trapassani in trafficu è in intaressu ecunomicu certi ecchesi stradi naziunali.
Jean-Jacques Panunzi, président du conseil général de Corse du Sud.
Sur le même sujet
