Victoire des indépendantistes aux régionales en Catalogne : satisfaction de Corsica Libera
(A redazzioni d'Alta Frequenza) - Tombula pà l'indipendentisti duranti l'alizzioni regiunali in Catalogna ! I dui listi di ssu currenti, "Insemi pà u iè" è a "Candidatura d'unità pupulari", ani uttenutu a maghjurità assuluta in numaru di sedii in u parlamentu, vali à dì 72 annant'à 135, ma micca in numaru di voti cù 47,8%. Pocu impremi ciò ch'ellu dici u guvernu cunservatori spagnolu, u populu catalanu camina ver di a so indipendenza è u scopu hè oramai di crià i cundizioni di a famosa secessioni. In Corsica, u risultatu di ssu votu rinforza u muvimentu naziunalistu ind'a so idea chì a strada ch'ellu hà presu parechji anni fà hè a bona, malgradu i diffarenzi, à u nivellu ecunomicu par asempiu, trà l'isula, a Catalogna è a Scozia.
Steti à senta à François Sargentini, chì faci parti di l'esecutivu di Corsica Libera.
