Victoire des nationalistes aux territoriales : la réaction de Jean-Paul Poletti
(A redazzioni d'Alta Frequenza) - Aspittendu a "grossa ghjurnata" di ssu ghjovi à l'Assemblea di Corsica, chì vidarà a stallazioni annant'à i so banchi di 51 cunsighjeri, novi soprattuttu, dighjà anziani pà d'altri, è 8 facci novi à l'Esecutivu di Corsica, i riazzioni cuntinueghjani. S'è ciò chì s'hè passatu in Corsica hè statu scurdatu cù forza da i media ditti "naziunali", ind'è noi i cunversazioni sò sempri ricchi. À mezu à i riazzioni intesi dumenica à sera in carrughju in Aiacciu, emi arrighjistratu quilli di simplici citadini, ma chì ùn sò micca tuttu à fattu cusì, postu ch'elli sò scritti dipoi un pezzu ind'a lotta naziunalista. Ghjuvan Paulu Poletti, u militanti culturali bè cunnisciutu, cuntinueghja in ssu mumentu una lotta difficiuli contr'à l'amministrazioni fiscali è ci dà u so parè annant'à una ghjurnata storica.
Da l'utupia à a rialtà, steti à senta à Ghjuvan Paulu Poletti.
Sur le même sujet
