Victoire du non à l'indépendance en Ecosse : la réaction de Jean-Guy Talamoni
(A redazzioni d'Alta Frequenza) - Ssu ghjovi, u populu scuzzesi, chjamatu à l'urni, hà dicisu di dì "innò" à l'indipendenza à 55,3% contr'à 44,7% pà u "iè". Malgradu tuttu, pà Ghjuvan Guidu Talamoni, c'hè calcosa di pusitivu inde ciò chì s'hè passatu in Scozzia parchì s'è a Scozzia firmarà ind'u Reami Unitu, quissa quì, ed hè una prumessa di u Prima ministru David Cameron chì hà dittu chì a quistioni era arrigulata pà ssa generazioni di scuzzesi, t'avarà di più puteri cà oghji. Dinò, u fattu chì ssu referendum sighi statu urganizatu rinforza l'idea chì l'indipendenza hè pussibuli pà certi nazioni senza Statu, ch'ellu si trattessi di a Catalogna o di a Nova Caledonia chì sarani chjamati à fà una scelta in un futuru vicinu o luntanu, ma dinò pà a Corsica induva ellu c'hè quantunqua di più travaghju à fà.
Steti à senta à Ghjuvan Guidu Talamoni.
Sur le même sujet
