Vigipirate : les établissements scolaires de Corse sous haute surveillance
Photo : gendarmerie de Corse
Vigipirate : i stabilimenta sculari di Corsica, com’è quiddi di u cuntinenti, sò ancu iddi missi in alta surviglianza, parvia di l’evenimenti tragichi successi a sittimana passata in u culleghju è liceu Gambetta d’Arras.
Dipoi luni, guardia mobili è ciandarmi avvinghjini i circonda di i stabilimenta, da assicurà a sicurità di l’elevi è di i parsunala.
Da accumpagnà issu dispusitivu, u ministeru di l’Aducazioni Naziunali hà mandatu cunsigni di sicurità à tutti i insignanti : si tratta di sapè dà un’uchjata à i sacchi, o di virificà l’identità di i parsoni chì ùn sò di u stabilimentu.
Par casu ch’iddi ùn volghini l’aienti, i dirittori di i scoli è i capistabilimenta li poni ricusà a intruta.
À senta ni u guvernu, ci vurria à essa attenti bè à a gistioni di u flussu di l’elevi, à a intruta è à a isciuta di i scoli è stabilimenta sculari, cuntendu ci ben’intesa à quiddi chì t’ani unu intirnatu.
Da fà ch’iddi ùn s’accoddini troppu l’aienti, u ministeru di l’Aducazioni Naziunali hà dumandatu d’ùn staziunà i vitturi davanti à i scoli, culleghja è licea, è di limità – o ancu d’impidì – tutti l’attività à torru à i stabilimenta.
Sur le même sujet
