Violence : l'avis des jeunes
(A redazzioni d'Alta Frequenza) - Hè calmu in Aiacciu ! Iss'infrasata quì volta com'è un boomerang in faccia à tutti quilli, è sò numarosi, chì pensani, dicini è scrivini chì a Corsica hè una tarra periculosa duva campa l'insecurità è passa a morti. Iss'infrasata hè stata lanciata stamani (ghjovi) da un ghjovanu elevu di u liceu Jules Antonini à l'uccasioni di un scontru cù a Cullettività di Corsica è a stampa. È ùn era micca pruvucazioni o altru affari postu chì issu parè hè statu scumpartutu à l'unanimità da tutti i sculari prisenti pà issu scontru. A Cullettività di Corsica, chì hà lanciatu tutta una seria d'azzioni d'infurmazioni è di sinsibulisazioni di a ghjuventù contr'à l'armi, t'hà assai - veramenti assai - travaghju. Mentri chì omu dici a Corsica à focu è à sangui, cù una pupulazioni tarrurizata da i numarosi crimini di sangui, comu spiecà chì a ghjuventù, o in tutti i casi quilla prisenti stamani inde issu liceu, ùn vidissi mancu appena u disturbu di una sucità viulenti ? Asisti o micca una percezzioni sfarenti di a viulenza chì saria in evuluzioni di pettu à l'età ? Una dumanda chì volta è à a quali duvarani risponda di modu sicuru tutti quilli chì, da vicinu o da luntanu, s'intaressani à issu dannu.
Écoutez Marie Thérèse Olivesi, conseillère exécutive chargée de l'action éducative et de la jeunesse.
Sur le même sujet
