Violence : Manuel Valls repond à Laurent Marcangeli
(A redazzioni d'Alta Frequenza) - Scambiu propiu putenti à l'Assemblea Naziunali trà Laurent Marcangeli, diputatu UMP di Corsica Suttana, è u ministru di l'Internu Manuel Valls duranti i quistioni à u guvernu. In fatti, u diputatu corsu, parlendu dinò à nomi di i so di culleghi Sauveur Gandolfi Scheit è Camille de Rocca Serra, hà criticatu cù viulenza i parolli di pocu fà di ministru di l'Internu nant'à a viulenza liata à a cultura Corsa, dumandendu li quandu ellu piantarà di dì affari simuli, tuttu què incalchendu à tempu nant'à l'incumpetenza culturali, à parè soiu, ind'a famighja pulitica di Manuel Valls pà ciò chì tocca à i prublemi di securità. A risposta di u ministru di l'Internu, assai putenti, ùn s'hè micca fatta aspittà. Incalchendu nant'à u fattu chì u diputatu di Corsica Suttana era più riservatu duranti i visiti ministeriali è i discussioni liati, u ministru di l'Internu hà parlatu di a necessità, sicondu ellu, di metta parolli nant'à ciò chì si passa ind'è noi.
On écoute Manuel Valls.
