Visite de Bernard Cazeneuve en Corse : le sentiment de Laurent Marcangeli
(A redazzioni d'Alta Frequenza) - Seguita è fini di i riazzioni arrighjistrati luni duranti a visita di u ministru di l'Internu in Corsica. Una visita chì ùn hè micca stata à l'altezza di i spiranzi di tutti quilli, è sò numarosi, chì s'intaressani à l'evuluzioni di i cartulari impurtanti cuncirnendu a Corsica. Ùn era micca l'ughjettu di a visita, ùn era nè u mumentu, nè u locu, ma i dillusioni sò stati numarosi quantunqua, soprattuttu dopu à u ripastu dittu republicanu, chì hà adunitu a raprisintazioni pulitica principali di l'isula è unu di i raprisintanti i più impurtanti di u Statu. Laurent Marcangeli hà trovu ssu scontru assai intarissanti, ma micca par via di i scambii cù u ministru di l'Internu. Un'antra parsunalità era prisenti dinò, chì duvaria ghjucà un rollu impurtanti ind'a rilazioni attuali trà a Corsica è u guvernu.
Steti à senta à Laurent Marcangeli, u diputatu è merri d'Aiacciu.
Sur le même sujet
