Visite de Bernard Cazeneuve : le sentiment de Paul Giacobbi
(A redazzioni d'Alta Frequenza) - Ssu luni, u ministru di l'Internu, Bernard Cazeneuve, era in visita in Corsica. Una visita pà parlà di a lotta contr'à i fochi è di nisun altru affari o guasgi, fora di un ripastu republicanu induva i piatti sirvuti à l'invitati erani forsa più caldi cà i sughjetti amintati. S'è a stampa isulana s'hè ritrova di pettu à una cumunicazioni sarrata di più cà a cascia forti chì cunteni i codeci di a valisgia atomica, l'eletti inveci t'aviani affari à dì, mentri chì u FLNC avia cumunicatu da u so cantu. À mezu à ssi riazzioni à a visita di Bernard Cazeneuve, quilla di u presidenti di l'Esecutivu di Corsica, Paul Giacobbi. S'ellu ùn hà micca vulsutu cumintà u cumunicatu di u FLNC, ùn s'hè micca fattu prigà inveci pà criticà cù picculi infrasati ironichi putenti a scelta di Femu a Corsica, ch'ellu ùn hà micca citatu direttamenti, di praticà a pulitica ditta in francesi di "a carrega biota" duranti u ripastu republicanu.
Steti à senta à Paul Giacobbi.
Sur le même sujet
