Visite de deux jours en Corse pour Marylise Lebranchu
(A redazzioni d'Alta Frequenza) - Hè in fin di matinata (luni) chì Marylise Lebranchu principiarà a so visita di dui ghjorni in Corsica. U mumentu u più impurtanti di ssu luni sarà a riunioni cù l’eletti di l’Assemblea di Corsica, una riunioni chì intrarà ind’u quadru di u gruppu di travaghju annant’à a riforma istituziunali. Si duvaria cunnoscia à a mità di u dopu meziornu a pusizioni attuali di u guvernu annant’à a quistioni corsa, calchì mesi dopu à a ghjunta di Marylise Lebranchu è calchì ghjornu dopu à a partenza di Manuel Valls da u ministeru di l’Internu. Rammintaremi chì a pusizioni di a ministra di a Dicintralisazioni era appena sfarenti di pettu à quilla di u ministru di l’Internu di l’epica. Qualsiasi evuluzioni pussibuli sarà dunqua assai intarissanti da suvità. Si pudarà rimarcà s’ellu c’hè calcosa di novu ind’a pusizioni piuttostu sarrata di u guvernu è què dopu à i cambiamenti impurtanti accaduti in Corsica pà i municipali. Una visita chì sarà suvitata da vicinu da u cullettivu « Simu di stu Paese ». L’hà ditta calchì ghjornu fà in Corti duranti una riunioni publica.
Steti à senta à Petru Vesperini.
Sur le même sujet
