Visite de François Hollande : Le sentiment de Camille de Rocca Serra
(A ridazzioni d'Alta Frequenza) - A visita di François Hollande hè principiata in Aiacciu, cù un scontru cù l’eletti di a Prifettura di Corsica. Dopu à una scappata in a Ciadedda è un’ummaghju à Fred Scamaroni resu da u Capistatu, F. Hollande hè andatu à a Merria D’Aiacciu. U merri di a cità Simon Renucci, cù à fiancu à iddu numarosi eletti municipali, chì erani prisenti pà ascultà ciò chì u Prisidenti di a Ripublica avia da dì. Iss'ultimu era anzituttu aspittatu assai nantu à u so pusizionamenti di pettu à l'ultimu dibattitu di l'Assemblea di Corsica. È ùn hè rissurtitu nudda di veramenti cuncretu è di taddatu d'issa visita, missi fora l'anunzii nantu à prughjetti Aiaccini (fondu di cala - uspidali - citadedda). L'eletti di a Corsica erani abbastanza unanimi : l'ora hè di più à l'attesa chì à l'anunzii. Pà Camille de Rocca Serra, ghjè strada facendu chì s'accuncia a somma, è chì si trapassani l'ustacculi ghjuridichi.
Stemi à senta à u diputatu di a 1a Circuscrizzioni di Corsica Suttana.
