Visite de Manuel Valls en Corse ce samedi
(A redazzioni d'Alta Frequenza) - Viaghju express di Manuel Valls oghji (sabbatu) in Corsica. U ministru di l'Internu hè andatu stamani ind'a caserna di gendarmeria Battesti d'Aiacciu, tocca ghjovi da un tiru di rucchetta. Sarà ssu dopu meziornu in Montesoru pà sustena, qui dinò i gendarmi. Dimustrà a ditarminazioni di u guvernu, è dì chì ssu tarrurisimu ùn pò micca essa accittatu, eccu l'idei maiò sviluppati stamani. I discussioni ingaghjati cù l'eletti pà ciò chì tocca l'avvena istituziunali cuntinuarani ma ùn cambiarani nulla à l'azzioni di a pulizza è di a ghjustizia. U ministru hà dittu dinò chì l'atti di ssa settimana ùn duviani mancu appena essa banalizati. Cuncirnendu i liami trà tarrurisimu è criminalità urganizata, Manuel Valls hà dittu chì "tuttu ognunu in Corsica sapia, è chì pà u restu a ghjustizia cuntinuaria a so azzioni".
Steti à senta u ministru di l'Internu.
