Visite de Marylise Lebranchu à Ajaccio: Jean-Guy Talamoni également satisfait
(A redazzioni d'Alta Frequenza) - Marylise Lebranchu, ministra di a dicintralisazioni era oghji (luni) in Corsica pà stallà u famosu gruppu di travaghju, gruppu chì rammintemu la s'era dighjà adunitu in Parighji è chì devi difiniscia cù u guvernu l'andatura pà i mesi chì venini. Marylise Lebranchu l'hà ditta oghji, ci sarà bè nentru à u prughjettu di legi ch'ella hà da prisintà da quì à calchì sittimana, prughjettu nant'à a riforma tarrituriali, un latu cunsacratu à a Corsica. Quissu quì duvaria parmetta, ind'u quadru di u statutu attuali, d'uttimizà certi dispusizioni rigulamentarii, in fatti di migliurà tuttu ciò chì asisti dighjà è chì viaghja mali. Dopu ci vularà à studià a riforma custituziunali nant'à i lingui minuritarii à chì pudaria essa aghjustatu quì dinò u famosu latu corsu. Jean Guy Talamoni pà u gruppu Corsica Libera era abbastanza cuntentu dopu à ss'intrattenu. Un calendariu più adattatu è soprattuttu un ascoltu più custruttivu sariani statu à u prugrammu di ssu scontru. L'elettu stima par asempiu chì u guvernu devi stà à senta u missaghju unitariu di l'Assemblea di Corsica ind'i so deliberazioni.
Steti à senta à Jean-Guy Talamoni.
