Visite de Marylise Lebranchu : l'analyse de Jean-Baptiste Luccioni
(A redazzioni d'Alta Frequenza) - Sempri di pettu à i cambiamenti pulitichi intarvinuti in Corsica è in altrò pà i municipali, vultemi appena annant'à a visita ssu luni ind'è noi di Marylise Lebranchu. Si sà chì mutazioni impurtanti sò intarvinuti inde l'isula ma dinò in Parighji cù a partenza di u ministru di l'Internu versu l'hôtel Matignon, è u mantenimentu, ed hè ciò chì ci intaressa, di Marylise Lebranchu com'è ministra di a Dicintralisazioni. Quissa quì hà scuntratu una volta di più u famosu gruppu di travaghju trà i rispunsevuli di u guvernu è l'eletti principali di Corsica, è torna, s'hè pussutu custatà l'evuluzioni di certi cartulari. Chì ni pensa Corse Social Démocrate, un muvimentu fundamintali inde l'equilibriu di i forzi pulitichi di l'isula, è dunqua à l'Assemblea di Corsica ?
Steti à senta à Jean Baptiste Luccioni, u presidenti di u gruppu, dopu à l'intrattenu cù Marylise Lebranchu.
