Visite de Marylise Lebranchu, ministre de la réforme de l'Etat ce lundi à Ajaccio
(A redazzioni d'Alta Frequenza) - Hè oghji (luni) dunqua chì Marylise Lebranchu, ministra di a funzioni publica è di a riforma di u Statu hè in visita in Corsica. Dopu à un primu scontru calchì sittimana fà in Parighji, a ministra ghjunghji in Aiacciu pà stallà u famosu gruppu di travaghju. Rammintemi ch’ellu adunisciarà a raprisintazioni pulitica isulana è i rispunsevuli di u Statu i più alti. Pocu fà, cullavami in Parighji ; oghji sò i ministri chì ghjunghjini fin’è noi ! L’infrasata hè di Paul Giacobbi è si capisci bè u sensu senza prublema. Si parlarà par asempiu di u prughjettu di legi nant’à l’urganisazioni nova di u tarritoriu è tuttu ciò chì si passa in Corsica sarà ben intesu à u centru di i dibattiti. Omu si movi è ùn ci vularà micca à pichjà si unu nentru à l’altru ! Eccu a formula impiecata da Pierre Chaubon pà qualificà a situazioni attuali duva a leia trà u calendariu di u Statu è quillu di a CTC ferma diffiiciuli. Ci sarà forsa un principiu di risposta à partasi di a meza ghjurnata.
Sur le même sujet
